De Salzedelu

[f. 59v] In Dei nomine. Ego Maria Menendi de Moreira uobis domno Gundisaluo abbati et conuentui de Fenalibus fatio cartam uenditionis de hereditate mea propria quam habeo de conparatione in uilla que uocitant Salzedelu, in loco qui uocatur as Aluares, nominata medietatem unius casalis. Do uobis et concedo medietatem ipsius casalis integram pro anima mea et pro LXXXª solidis, quos mihi dedistis pro roboratione et pro precio. Habeatis uos ipsam hereditatem et omnes successores uestri qui in ipso monasterio Deo et beate Marie seruierint et faciatis ex ea quicquid uolueritis imperpetuum. Si aliquis homo uenerit ex parte mea uel de extranea qui hunc factum meum rumpere uoluerit, sit maledictus et duplet uobis ipsam hereditatem in tali loci uel in optimo et domino terre, aut cui uocem uestram pulsauerit, pectet D solidos et hec carta firma semper et stabilis perseueret. Facta carta sub era Mª CCª LXª IIª, regnante rege domno Santio IIº in Portugalia, in Pena de Regina domnus Iohannes Fernandi, iudex Nunus Petri, in Tuda episcopus domnus Stephanus, archidiaconus Iohannes Papoula. Ego Maria Menendi, que hanc cartam fieri iussi, propriis manibus illam roboro et confirmo.
Qui presentes fuerunt: Petrus testis, Pelagius testis, Rudericus testis.
Menendus confirmat, Munio confirmat, Martinus confirmat (signum). |