De portu de Bergoti

[f. 64v] In Christi nomine. Ego Gomecius Petri una cum uxore mea Sancia Suariz uobis domno Gundisaluo abbati de Fenalibus et uestro conuentui facimus cartam uenditionis de hereditate nostra quam habemus in portu de Bergoti pro precio quod de uobis recepimus, Lª solidos, pro compara et pro robore. Damus et concedimus uobis ipsam hereditatem, et conparauimus eam de Munione Sanchii, ut habeatis et possideatis uos eam et omnes successores uestri et faciatis de ea quicquid uolu[er]itis in perpetuum. Et si aliquis homo uobis calumpniauerit istam hereditatem tam ex parte nostra quam de extranea, sit maledictus et domino terre, aut cui uocem uestram dederitis, D^os solidos exsoluat et uobis hereditatem duplatam cum quanto fuerit melioratam. Facta karta uenditionis sub era Mª CCª LXª VIIIª, regnante rege in Portugalia domno Santio II°, in sede Tudensi episcopo domno Stephano, Tenente Ualadares domno Suerio Pelagii. Ego Gomecius Petri et uxor mea Sancia Suariz in hac carta manus nostras roboramus.
Qui presentes fuerunt: Iohannes prior testis, Petrus Martini testis, Petrus Petri testis.
Tiracalza testis, Petrus Arie monacus testis.
Petrus qui notuit et est testis (signum).