Istas cartas sunt de Tras Doma. De Egrigoa et de Uilar.

[f. 67r] In nomine sancte et indiuidue Trinitatis. Amen. Era Mª CCª LXª VIª. Notum sit omnibus hominibus tam presentibus quam futuris quod ego domnus Petrus Fernandi una cum uxore mea domna Sancia Petri facimus plazum et stabilem cum abbate Gundisaluo conuentumque de Fenalibus de nostris hereditatibus quas habemus inter Domam et Deuam, in uillis nominatis scilicet Eggregola et Uilar. Totas hereditates quas ibi habemus cum montibus, pascuis et fontibus, cum omnibus suis terminis, quas hereditas comparauimus pariter de Fernando Forcaza, damus monasterio de Fenalibus pro remedio animarum nostrarum et pro octingentis solidis, quos inde recepimus, tali pacto quod nos possideamus predictas hereditates in uita nostra, et pro cognitione reddamus annuatim monasterio iam dicto unum modium de pane, et post obitum nostrum amborum predictas hereditates remaneant monasterio sepedicto absque ulla querimonia. Si aliquis ex parte nostra uel extranea uenerit qui hoc factum nostrum frangere uoluerit, sit maledictus et excommunicatus et cum Iuda, Domini traditore, in penas inferni condempnatus et domino terre pectet D^os morabitinos et pariat uobis iam dictis fratribus hereditatem duplatam aut quantum fuerit melioratam. Regnante in Legione rex Alfonsus, tenente terram infans Petrus, Auriensis episcopus Laurentius, cantor eiusdem Didacus Arie, tenente Sancte Cruce domnus Petrus Fernandi. Item mandamus atque confirmamus quod nec abbas nec conuentus dent predictas hereditates alicui in prestimonium neque cambiatione. Quod si factum fuerit, cui uox mea remanserit prendas supradictas hereditates.
Fernandus miles testis, Menendus miles testis.
Menendus Qules testis, Petrus qui notuit testis.