Testamentum

In nomine Patris et Filii et Spiritus sancti, amen. Quoniam nemini hominem datum est in presenti sui exitus horam scire, iccirco nos, famule Dei indigne, Gudina et Uniscu Gunsalui ⁽¹⁾ prouidentes ne preocupate inopinata morte ab hac breuissima et inituli uita intestate recedamus, facimus cartam testamenti ipsi canonice Sancti Saluatoris de Ecclesiola de hereditate nostra propria quam habemus in uilla Valadares subtus mons Acutus, prope mare, territorio Sancte Marie. Damus et concedimus omnem nostram hereditatem quam ibi habemus de parte auorum et parentum nostrorum ab integro, suis locis et terminis antiquis determinatam ubicumque potuerit inueniri. Quod si forte, quod nequaquam credimus, nos ipse uel aliquis ex parentibus nostris aut ex filiis seu extraneis hoc factum nostum in aliquo corrumpere uoluerit, pro sola temeritate conponat ipsam hereditatem cum suo melioratu duplatam; et insuper sit maledictus et excommunicatus et cum Iuda traditore in profundum inferni dimersus. Facta karta testamenti mense nouembrio, era Mª.Cª.LXXª.VIª. Nos suprascripte Gudina et Uniscu, Gunsalui Pelaiz filie, que cartam istam scribere mandauimus, coram idoneis baronibus prout superius sonat roboramus et confirmamus. Qui presentes fuerunt: Pelagius, ts; Suarius, ts; Didacus, ts. Tructesindus notuit.