[Cartula testamenti de ecclesia Sancti Martini cum sua hereditate]

| [f. 35v] In Dei nomine. Ego Didagus Tructesindiz. Placuit mihi, sano animo, mente perfecta pacisque uolumptas, ut facerem uobis domino Eusebius abba et fratribus uestris de cenobio Lauribano cartulam testamenti, sicuti et facio, de ecclesia Sancti Martini cum sua hereditate, que uobis michi dedistis ad populandum post parte (a) uestra. Ita ut, ex presenti die et tempore, sedet illa ecclesia et illa hereditate de iuri meo abrasa et in uestro dominio sit tradita uel confirmata perpetimque abitura, pro remedio anime męę. Quo et iuratione confirmo per Deum patrem omnipotentem quia contra hunc meum factum numquam ero ad inrrumpendum.
Et si ego aut aliquis homo in mea uoce uenerit uel uenero ad inrrumpendum hunc meum scriptum, inprimis sedeat excomunicatus ad corpus et sanguinis Domini nostri Ihesu Christi et cum Iuda traditore abeat participio (b); et insuper quantum auferre temtauerit in quattuor duplo componat et ad iudice C solidos persoluat. Et hunc meum uotum firmum abeat roborem.
Facta cartula testamenti pridie kalendas marcii, era MCLV.
Ego Didagus qui hanc cartula testamenti iusi facere et cum idoneis (c) testibus confirmare et cum proprias manus meas r(signum)oboraui. Qui preses fuerunt:
(1ª col.) Letificus testis.- Martinus (d) testis.- Iohanne.
(2ª col.) Didagus Rodriquiz testis.- Saluodor (sic) Zolemaniz testis.- Saluador Condiniz (e) testis.
(3ª col.) Tructesindus presbiter confirmo.- Gondesindus presbiter confirmo.- Menendus presbiter confirmo.- Gundisaluus presbiter confirmo.
Petrus acolitus (f) notuit. |