De Negrelus

In Dei nomine. Ego Onega Moniz cum meis filiis istis, uidelicet Gundisaluo, Suerio, Adosinda, Guntrode, facimus kartam uendicionis tibi Martino Moniz et uxori tue Unisco Tructesindiz, de hereditate nostra propria quam habemus de patre meo, Munio Cidiz, in uilla dicta Negrelus, subtus monte Castro Petroso, discurrente riuulo Cerzedo, territorio portugalensi. Damus uobis de quanta que ibi habemus ab integro totam, ex qualibet parte ius fuisset, pro qua accepimus a uobis precium, unum caballum uarii coloris in L modios preciatum; tantum placuit et pro dare nobis nichil remansit. Habeatis illam firmiter uos et omnis posteritas uestra iuri quieto temporibus seculorum, ubicumque illam potueritis inuenire suis locis et terminis bene determinatam antiquis et nouis. Si uero aliquis homo aduersus hanc kartam ⁽¹⁾ ad irupendum uenire presumpserit, de quacumque progenie siue ex nostra seu extranea, et nos in concilio illam defendere et parti uestre concedere noluerimus aut non potuerimus, uel uos in uoce nostra, componamus uobis ipsam hereditatem duplatam cum toto suo melioratu, et iudicatum. Facta karta XXº kalendas octobrias, era M.C.LXXX.IIII. Ego Onega cum suprascriptis filiis meis illam propriis manibus roboramus. Qui presentes fuerunt: Pelagius, ts; Suerius, ts; Osoredus, ts; Gundisaluus, ts; Nuno, ts; Erus, ts. Didacus, ts. Didacus notuit.