Carta de uno casali et de uno campo quem habet monasterium in Quintanela de Aluarenga. Item de I casali in Cerquedelo quod fuit domni Laurentii Egee et casale de Quintanela fuit domne Marie Egee
Cartulário:
- D. Maior Martins
Outorgante:
- Particular
“A partir daqui [fl. 49] inicia-se a 2.ª parte do códice que abre com o fl. 49 faltando cerca de pelo menos mais 25 documentos e parte do 26.º. Segue-se a numeração que se encontra em cada um dos documentos apondo-se uma nova entre parêntesis.”
Nouerint uniuersi quod cum inter domnam Maiorem Martini abbatissam monasterii Sancti Pe- [f. 61r//b] -tri de Arauca Lamecensis diocesis et conuentum eiusdem ex una parte et Iohanni Petri priorem monasterii Sancte Marie de Carcari et conuentum eiusdem ex altera coram reuerendo patre domno Petro episcopo Lamecensi me Martino Michaelis in terra de Arauca publico notario adhibito questio uerteretur super uno casali quod est in Villa Noua in terra de Aluarenga in quo morata fuit domna Maria Egee et super alio casali quod est in Quintanela quod fuit domne Marie Egee quod tenet Iohannes Dominici clericus et super aliis hereditatibus tandem inter ipsas partes talis amicabilis compositio interuenit uidelicet quod monasterium de Arauca haberet et perpetue possideret casale dictum de Quintanela et unum casale de Cerquedelo quod fuit domni Laurentii Egee et unum canpum in Quintanela in loco qui dicitur uinea Donega et monasterium de Carcari haberet et perpetue possideret supranominatum casale de Villa Noua et unam uineam que iacet iuxta senaram monasterii de Carcari cum sua defensa et pomerium quod est iuxta domos casalis de Villa Noua. Obligauerunt se etiam predicte partes quod si una pars ipsarum contra hanc compositionem destruendam ueniret, quod daret alteri parti CCos aureos compositione supradicta, nichilominus perpetuo ualitura et ut hoc maius robur obtineat firmitatis supranominate partes mandauerunt per me Martinum notarium iam dictum fieri inde duo publica instrumenta per albetum diuisa sigillata sigillis dicti uenerabilis Petri episcopi Lamecensis et predicte abbatisse et dicti prioris quorum unum [f. 61v//a] debet remanere apud monasterium de Arauca et aliud monasterium de Carcari et dictus uenerabilis pater Petrus episcopus Lamecensis huic compositioni assensum suum prebuit et sigillum suum apponi fecit instrumentis inde confectis. Actum hoc apud monasterium de Arauca Idus Maii Era Mª.CCCª.IIIª presentibus Dominico Pelagii, Martinus Dominico, Stephano Petri canonicis et Iohanne Egee portionario Lamecensi, Pelagio Gunsalui milite, Egea Suerii, Michaele Petri monachis de Salzeda et aliis quam pluribus. Ego uero Martinus notarius prenominatus omnibus predictis interfui ex utraque parte rogatus et manu propria scripsi et hoc meum signum in testimonium apposui.
Filomeno Amaro Soares da Silva, Cartulário de D. Maior Martins. século XIII. Estudo introdutório. Edição diplomática. Índices, Associação da Defesa do Património Arouquense, Arouca, 2001
