[Karta testamenti et firmitudinis]

In Christi nomine. Hec est karta testamenti et firmitudinis quam ego, Menendus Capelo, iussi facere domno Pelagio, priori monasterii Sancti Vincentii Vlixbone, et fratribus ibidem commorantibus et futuris pro remedio anime mee et parentum meorum, et ut me pro Dei amore adiuuent orationibus suis sicut unum familiarium suorum, de una mea uinea quam habui in termino Vlixbone, in loco qui dicitur Alualadi, cuius isti sunt termini: in orientem, uinea eorumdem fratrum; ad occidentem, uinea predicti Menendi Capelo; ad aquilonem, uinea de alkaidaria; uersus affricum, linoo cum rubis sicut circundatur contra uineam fratrum. Do uobis eam et concedo ab hac die usque in perpetuum, sed si quis uenerit qui huius testamenti paginam irritare contenderit uel infringere, sit maledictus et excomunicatus, et insuper componat predicto monasterio X.^u solidos puri argenti.
Facto donationis testamento mense Ianuarii, Era M.^a CC.^a XXXI.^a. Ego, super nominatus, qui hanc kartam facere iussi, coram bonis testibus eam roboro et hoc sig + + num fatio. Qui presentes fuerunt:
Fernando Polio, — Dumingus, — Martinot, testes.
Prepositus Sancti Vincentii, — Dominicus canonicus sancti Vincentii, — Didacus canonicus sancti Vincentii, affuit.
Gometius presbiter notuit.