[Karta de quitatione de abere]

Notum sit tam presentibus quam futuris quod ego, domna Bona, quondam mulier Petri Menendi, iussi facere kartam eidem Petro Menendi de quitatione de abere filii nostri, Menendi Petri, quod habuit ante quam captiuus esset, et pater eius cum eo quod filius noster relinquirat postea acquisiuit. Iccirco, pro parte quam mihi dedit Petrus Menendi decesu filii nostri, unde ego bene paccata sum, fatio hanc kartam ut nullus post hanc diem uel ausus sit attemptare uel inquirere aliquid de censu predicti filii nostri unde iam obtimam partem habui, tam de filiis nostris uel parentibus quam de filia nostra. Sed si aliquis hanc kartam irrumpere temptauerit, sit maledictus et excommunicatus, et quantum in duplum componat eidem Petro Menedi et domino terre aliud tantum.
Facta karta mense Augusti, Era M.^a CC.^a XXX.^a. Ego, supra nominati, qui hanc kartam facere iussi, coram bonis testibus eam roboro et hoc sig + num fatio. Qui presentes fuerunt:
Iohannes, — Gonçaluus, — Martinus, testes.
Petrus, — Suerius, — Menendus, testes.
Pelagius, — Thomas, testes.
Gometius presbiter scripsit.