[Karta mandationis et firmitudinis]

In Christi nomine. Hec est karta mandationis et firmitudinis quam ego, Fernandus Petri, iussi facere domno Pelagio, priori monasterii Sancti Vincentii, et fratribus et eorum successoribus pro remissione anime mee et domne Aurace Petri de medietate de hereditate de Karnede quam habui in termino Vlixbone, in loco predicto, et pro anima filii mei Martini Fernandi, et ut mei filii habeant uineas, hereditates et casas sine particione aliqua et ut sit ista hereditas in testamento meorum filiorum, et nullus habeat licentiam uendendi uel separandi eam ullo modo de monasterio. Sed si aliquis uenerit, tam meorum filiorum quam extraneorum, qui hanc kartam frangere uoluerit, quantum inquisierit tantum in duplum componat dominoque terre aliud tantum, et sit sub Iuda traditore in inferno dimersus et pectet D solidos monasterio similiter et iudicatum.
Facta karta mense Setembris, Era M.^a CC.^a XX.^a V.^a. Ego, super nominatus, qui hanc kartam facere iussi, coram bonis testibus eam roboro et hec sig + na facio. Qui presentes fuerunt.
Gometius presbiter notuit.