Karta Petri Petri de hereditate de Saxo

In Dei nomine. Ego, Petrus Petri, una cum fratribus et sororibus meis, facimus a uobis, domno Roderico Menendi, kartam de una quairela quam habemus in monte de Seixo, et accepimus a uobis III morabitinos in pretio et in robora II solidos. Et ego, Laurentius Gimariz, et domna Maria de Zerzeira et Gunsaluus Villanus et domna Maria Auia damus uobis hanc hereditatem quam habemus in monte de Seixo pro pretio nominato III morabitinos et in robora II solidos. Et ego, Pelagius Gunsalui, et Gunsaluos Guimariz damus uobis domno Roderico unam quairelam quam ibi habemus per III morabitinos et pro robora II solidos. Et ego, Martinus Menendi, cum meis fratribus et Hauia, damus uobis quantum ibi habemus per tres morabitinos et pro robora II solidos. Et ego, Petrus Venegas, et Eluira Ruuia damus uobis quantum ibi habemus per tres morabitinos et pro robora II solidos. Et ego, Pelagius Petri, cum meas subrinas et Pelagio Gago et Alfonsus Pelagii et domna Maria de Zerzeira, cum nostris filiis, damus uobis et concedimus quantum ibi habemus pro pretio III morabitinos et pro robora II solidos, et de pretio nichil remansit pro dare. Habeatis uos et quem uolueritis post uos hanc hereditatem in cunctis temporibus seculorom. Si quis uenerit contra hoc factum ad corrumpendum, reddat uobis hanc hereditatem duplatam et quanto fuerit meliorata et insuper D solidos cui uox data fuerit.
Facta karta mense Maii, Era M.^a CC.^a LX.^a VI.^a. Nos, qui hanc kartam iussimus facere, eam nostris manibus roboramus.
Pro testibus: Petrus ts., Iohannes ts., Martinus ts.
Alfonsus notuit.