Karta Roderici Menendi

In dei nomine. Notum sit omnibus hominibus presentem paginam inspecturis quod ego, Rodericus Menendi, domnum Laurencium abbatem et conuentum Sancti Iohannis de Taranca, multis precibus sepe rogaui ut me reciperent pro uno de tribus suis familiaribos ut per mandatum ipsius uiuerem tam in uictu quam in uestitu, et tanquam frater ipsius monasterii me habeam quod factum est. Et ego, Rodericus Menendi, concedentibus filiis meis, Martinus Roderici, Suarius Roderici, Alfonsus Roderici, dedi supradicto monasterio quicquid habeo in termino de Couelinas et habere possum ut habeant et possideant supradictam hereditatem cunctis temporibus seculorum. Verumtamen de manu abbatis et fratrum Sancti Iohannis recepi supradictam hereditatem tali uidelicet conuentione ut demus illis rendam statutam quandiu ipsi uoluerint et ex quibus noluerint recipiant predictam hereditatem suam cum Dei benedictione. Et pro robora receperunt supradicti filii mei Martinus Roderici C solidos et uno poldro, Suarius Roderici III aureos, Alfonsus Roderici I aureum. Quod si quis uenerit uel uenerimus qui hanc cartam adnichilare presumpserit, iram Dei incurrat et quantum quesierit in quadruplum restituat et cui uox data fuerit pectet quingentos aureos.
Facta carta mense Iunii, Era M.^a CC.^a LXX.^a V.^a. Ego, Rodericus Menendi, qui hanc cartam iussi facere cum filiis meis, eam roboro. Qui presentes fuerunt: Iohannes Guillelmi cellararius, Martinus supprior, monachi, Martinus Pelagii presbiter. Qui presentes fuerunt testes: Gunsaluus Iohannis, Iohannes Petri, Hermigius Gunsalui, Martinus Petri, Petrus Gunsaluiz, Iohannes Roderici, Dominicus Petri, Dominicus Iohannis.