Karta Roderici Menendi facta Marina Menendi sub conditione

In Dei nomine. Ego, domnus Rodericus Menendi, facio tibi, Marine Menendi, et tue filie, Eluira Roderici, kartam firmitudinis de ipsa kasa quam tibi dedi in Couilinas et quantam hereditatem comparaui de G. Gunsalui et de P. Gunsalui et de domna Maria de Cerdeira. Do uobis istam hereditatem tali pacto quod habeatis eam in tota uita uestra. Et si forte Eluira Roderici moritur sine semine, illa hereditas remaneat Sancti Iohanni sine ullo impedimento. Et si quis uenerit contra hoc factum ad corrumpendum, sit maledictus et confusus et pectet XXX morabitinos cui uox data fuerit et insuper ipsam hereditatem duplatam et quanto fuerit meliorata.
Facta karta mense Decembro, Era M.^a CC.^a LX.^a II.^a. Ego, domnus Rodericus Menendi, hanc cartam manibus nostris roboro.
Testes: Petrus, Martinus, Menendus, testes.
Pro robora I cabritum.
Iohannes notuit.