Karta Roderici Menendi testamenti sui

In Dei nomine. Notum sit, tam presentibus quam futuris, quod ego, Rodericus Menendi, antequam faceremus professionem abbati Sancti Iohannis condidi testamentum meum et mandaui abbatie Sancti Iohannis totam hereditatem quam habemus in uilla que dicitur Couelinas cum omnibus terminis suis et cum omni iure suo, exceptis quibusdam agris et domibus que dedit filie mee Eluire Roderici, scilicet tali pacto quod si non habuerit semen deuoluantur omnes domos et hereditates quas ei concedo ad predictam abbatiam Sancti Iohannis.
Facta karta testamenti Era M.^a CC.^a LX.^a VI.^a, mense Augusti, regnante domno Sancio in Portugalia, domno Aprili tenente Lameco et Ermemar, domno Pelagio episcopo Lamecense.
Testes: Iohannes Guillelmi, Alfonsus Menendi, Garsias Pelagii prior, Girardus, P. Sancii, monachi, Martinus Roderici.