Karta Ermigii Sarrazini de hereditate in Ruiidoiras

In Dei nomine. Hec est karta donationis et perpetue firmitudinis quam ego, Ermigius Sarrazini, et uxor mea, Maria Roderici, facimus uobis, domno Iohanni, abbati Sancti Iohannis de Tarauca, et omni conuentui de hereditate nostra quam habemus in termino Sancti Saluatoris. Ipsa hereditas fuit emiticia^(a) et habet iacentiam in uilla que uocatur Ruiodoras. Damus uobis et concedimus ipsa duo casalia per suos terminos per quos ipsam hereditatem potueritis inuenire, pro remedio animarum nostrarum. Habeatis eam firmiter in cunctis temporibus seculorum quantum fuerit meliorata et D solidos in duplo componat et sit maledictus et insuper iudicatum domino terre.
Facta karta mense Maii in Era M.^a CC.^a XXX.^a VII.^a. Nos, supradicti, uobis, supradictis, hanc kartam propriis manibus roboramus.
Gunsaluus ts., Petrus ts., Iohannes ts.
Et accepimus pro robora unam uacam.